نصيحه للبنات

نصائح للبنات
السلام عليكم ورحمة الله وبركاته

الى من يهمه الامر وخصوصا للبنات المراهقات انا عمري 21 بس اللي بيحكي معي وطريق تفكيري اكبر من عمري الحمد لله فاهمة الدنيا صح ولله الشكر

هلق بدي اوجه نصائح للبنات ويا ريت تستفادوا منها وما بدي بس تقرأوها بدي تعملوها لانها مش صعبة بس بدها شوية ارادة وعزيمة وقوة ايمان بالله


1_ حاولي قدر الامكان الابتعاد عن رفيقات السوء لان والله مش رح ترتاحي ورح تجيكي المشاكل وانتي قاعدة بالبيت وهيك انتي رح تكوني خسرانة
أولا رح تخسري ثقة اهلك فيكي ورح تبدا العلاقات بينك وبينهم تتوتر وتتعكر وثانيا رح تكسبي سيئات وربنا مش رح يكون راضي عنك وهالسبب اهم من الاول

2_الناس رح تصير تحكي عنك لما تشوفك معاشرة هيك نوعية من البنات ورح يحكوا عنك وتصير سمعتك سيئة بالمنطقة
واكيد ما بترضي هالشي لنفسك ومش مضطرة انك توصلي حالك لهالمرحلة بسبب رفقات السوء
بتقدري تمشي مع بنات محترمين واخلاقهم منيحة ورح تستفادي منهم كتيير وتتعلمي صفا ت حلوة وبقول المتل : قل لي من تعاشر أقل لك من أنت


3_ التزمي بالصلاة وشغلي بالك بذكر الله لا تجعل همك الاغاني والموضة والماكياج صدقيني كل هالاشياء المزيفة مش رح تنفعك يوم القيامة
ومش رح ينفعك الا عملك وصلاتك


4_ لا تحاول تقلدي حدا من معارفك او صديقاتك باللبس او طريقة الكلام او التصرفات لانك هالشي رح يخليكي انسانة انانية
ورح تصيري تقولي انا بدي متل الشغلة اللي عند صاحبتي ورح تقولي ليش هي عندها هالشي وانا ما عندي لااااا
ديري بالك يمكن يكون اهلها حالتهم المادية وظروفهم غير ظروفك
بهالحالة رح تصيري تلجأي لاي وسيلة لتحصلي عالشغلة اللي بدك ياها ورح توقعي بالغلط وبيقول المثل : مش كل مرة بتسلم الجرة

5_ خلي يكون همك الوحيد الآخرة منشان قبل ما تتصرفي اى تصرف او تفكري اي تفكير مش منيح تبعدي عنه خوفا من عذاب الآخرة


وأخيرا بدي قول الله يهيدنا ويهدي الجميع ويستر علينا دنيا وآخرة اللهم أمين

شكرا كتير على هاي النصائح وزي ما حكيتي الله يهدينا ويهدي الجميع

عفوا ولو انشالله الله يهدي الجميع